سهل عليك تقتلنى - عبدالله صقر

سهل عليك تقتلنى
 

هذه الآبيات البسيطة , لكنها قوية فى مغزاها , قلتها وقت كانت مصر مخطوفة من شعبها , واليوم تحقق قولى فيما قلته وبالأخص حين قلت : ممكن أبقى أنا فوق فى العالى وأنت تحت بتترجانى :

سهل عليك تقتلنى
سهل عليك تقتلنى علشان بحلم
لكن صعب عليك تقتل حلمى
ممكن تظهر ليا العين الحمرة
لكن موش ممكن أبدا تغلبنى
بكرة حلمى اللى أنا بحلم بيه
يكبر جوايا ويسطع ويبقى حقيقى
ممكن تمنعنى من إنى أمر بحارة
لكن موش ممكن تمنعنى أمشى فى شارع
يعنى علشان فى أيديك سلاح بتهدد فيا !!!
أوعى تفكر إنك ها تخوفنى أو إنك ها تقدر تغمى عينيا
وما تفكرش إنى ضعيف
أو إنى رهيف وخفيف
لآن جسمى واقف لسة على رجليا
ولآنى كمان ثائر مؤمن وشريف
خللى بالك
ممكن الحلم اللى أنا بحلم بيه يبقى حقيقة
وممكن يتحقق فى ثوانى أو فى دقيقة
وأبقى أنا واقف فوق فى العالى
وأنت واقف تحت بتبكى وتترجانى
وبتتحسر وتنعى حظك وتلالى
النهاردة ماسك لى فى أيديك سلاح
وعاوز تقتلنى بيه !!!
لآنك قادر وبتقول إنك ديك وفصيح
خليك فاكر إن قلبى أبيض وصريح
وما تنساش أن قلبى كبير وطيب
وعمره ما كذب ولا زيف
أوعى غرورك يوديك لبعيد
لحسن أنا ثائر جامد وعنيد
عمرى فى يوم ما فكرت أقتل حد
وحياتى كلها واخدها جد فى جد
ولا بتعصب فى أمور الدين
ودايما أعبد ربى ليل ونهار
وما تنساش إنك قلت عليا من الكفار
بمجرد إتى أختلفت معاك فى الآفكار
وفى أمور دينى عمر عقلى ما شت
لكن أنت دايما واخدها بعنف وضرب وشد
أنا قلبى طول عمره مسامح وكبير
لكنك عاوز تقتلنى وترمينى فى بير
هى دى تعاليم دينا السمحة ؟ !
ياللى دماغك دايما ماسحة
الله يسامحك باللى عملته فى مصر
قسمتها فريقين وعصرتها عصر
ممكن تقتلنى علشان بحلم
لكن صعب عليك تقتل حلمى

تاريخ النشر :- Jul 23 2013

تعليقات القراء